لا ترجع ابد مو شرط اعيش وياك
بدونك عايش اني وكلشي ماهمني
صح بعدك بجيت وصح ذرفت ادموع
وصح العبرة صارت حيل تخنكني
لكن مامتت بس حبك انت المات
هذا كبالك اني الضحكة رسمتني
عشت وياك من ماعرفتك هيج
تنطر لحظة عينك ناوية تذلني
ليش بيا سبب حاجيني صوتك وين
يرد كل جريمة شوك ذبحتني
اذا تطلب جنت من روحي روح انطيك
واضملك عينك خاف انوب تطلبني
جنت اسهر سهر ماسهر مثلة الليل
اظل متاني صوتك حتى يحظني
حرام شكد ظلمت جروحي بيدك هاي
اكللك فدوة شبيــــــك تظلمنـــــــي
تضحــــك انتة عادي وانة دمعي يســـــــــــيل
روح الخاطر الله ارجــــــــوك فاركنــــــــــــــي
شسوي بحبك اني وانتة كـــــوم اتـــــــــــــراب
وبكلبك ملـــــــح ميفيـــــــــــــد تزرعنــــــــــي
عزيزةذيــــــــج ادمـــــوعي النزلــــــــت بفركـــــــــاك
يادمعــــــي العزيــــــز بداعتـــــــي اعذرنــــــــــــــي
وكلبـــــــــــي شكــــــــد ظلمتــــك ماقصدت اذيـــــــــك
خجـــــــلان انــــــــة منك فـــــــــدوة صدكنــــــــــي
وانتة أبعــــــــد عليــــــــة لو هســـــــة امـــوت هنا
ماتانيـــــــك ابــــــــد خليــــــــك هاجرنــــــــــــــــي
وأذا كــــــــل جسمــــــي صاحـــــــــك حتى الية تعــــــود
اتـــــــــرك جسمــــــــي انــــــــة وانهـــــــزم مـــــنـــــــي
الثلاثاء سبتمبر 30, 2014 11:30 pm